As nosas actividades
Transformación
A nosa dedicación á elaboración de produtos maioritariamente en madeira de castiñeiro e piñeiro fai que en cada un dos nosos artigos imprímase un selo de calidade e nobreza inigualable. A empresa participa en todo o proceso de transformación da materia prima, desde a súa chegada procedente dos bosques galegos e asturianos na súa maioría, ata a súa saída como produtos completamente elaborados.
Na transformación da madeira interveñen, nunha sofisticada liña de produción na que se empregan as últimas tecnoloxías, varios departamentos da empresa, desde o aserrado e primeira transformación da madeira, ata o vernizado e acabado final de cada un dos produtos.
INVESTIGACIÓN E DESENVOLVEMENTO
Exfopino coida a materia prima coa que elabora a súa gama. Para iso, conta con explotacións forestais nas que se fai compatible a xestión sostible dos bosques coa actividade da industria madeireira. O departamento de I+D+i creou a madeira laminada maciza de castiñeiro, produto no que se materializa a nosa filosofía de traballo: desenvolvemento, innovación e xestión sostible.
Para elaborar este artigo empréganse os restos sobrantes das árbores e convértense nun produto de extraordinaria calidade, resistencia e prestacións. Na nosa empresa apostamos cada día pola investigación para seguir optimizando os recursos naturais e satisfacer as necesidades dos nosos clientes.
COMERCIALIZACIÓN
En Exfopino estamos orgullosos da calidade dos nosos produtos pero aínda estamos máis da profesionalidade do noso equipo humano. Grazas a el, marcamos a diferenza con respecto a outras empresas do sector, porque ofrecemos aos nosos clientes un trato personalizado e adaptado a cada caso, con solucións prácticas e eficaces en madeira de castiñeiro.
Para iso, o noso equipo, conformado por 15 profesionais de ampla experiencia, traballa día a día co máximo entusiasmo e dedicación para satisfacer todas as demandas que vostede nos expoña.
